Director's Message

Dr. Mariam Chughtai

تہذیب کے آغاز سے لیکر اِس دورِ جدید تک انسانوں میں علم کی جستجو لامحدود حدوں کو چھو رہی ہے اور علم کے حصول کا یہ سلسلہ انسان کو نئی منزلوں کی طرف لے جا رہا ہے۔ اِن تمام علوم تک رسائی کے لیے کتب خانے ہی واحد زریعہ ہیں جو ہمیں تہذیب سے آغاز سے آج تک کی معلومات فراہم کرتے ہیں۔ یہی کتب علم و حکمت کا خزانہ ہیں اور قومیں اِسی سے شعور و ادراک حاصل کرتی ہیں۔

چغتائی پبلک لائبریری کو قائم ہوئے سات سال ہو گئے ہیں اِن سالوں میں لائبریری نے مختلف موضوعات پر مطبوعات کا ایک بہت وسیع سرمایہ جمع کیا ہے جس سے علم کے متلاشی اپنی تشنگی دور کررہے ہیں۔مطبوعات کے اِس ذخیرہ میں نایاب کتب بہت اہمیت کی حامل ہیں اور یہ تاریخ کے نادر نسخے تحقیق کرنے والوں کی رہنمائی کرتے ہیں۔ اس کے علاوہ جدید دور کے تقاضوں کو مدِ نظر رکھتے ہوئے چغتائی پبلک لائبریری نے ڈیجیٹل لائبریری کا بھی آغاز کردیا ہےجس سے علم کے متلاشی گھر بیٹھے آن لائن موجود مواد سے مستفید ہوسکتے ہیں۔

مستقبل قریب میں چغتائی پبلک لائبریری دنیا کی مشہور یونیورسٹیز کی لائیبریریز سے اشتراک کر کے زیادہ سے زیادہ علم تک رسائی کو ممکن بنانے کے لیے کوشاں ہے۔میری امید اور کوشش ہے کہ آنے والے سالوں میں یہ لائبریری پاکستان کے علم دوست لوگوں تک علم کی رسائی کا بہت بڑا زریعہ ہو گی ۔ انشااللہ چغتائی پبلک لائبریری پاکستان میں علم کی روشنی پھیلانے میں اپنا کردار ادا کرتی رہے گی۔