شرابِ علم کی لذّت کشاں کشاں مجھ کو

نام : محمد عظمان

محمد عظمان ایڈووکیٹ ماہرِ تعلیم اور انگریزی زبان و ادب کے استاد ہیں۔ انہوں نے قانون میں اعلیٰ تعلیم حاصل کر رکھی ہے۔ آپ عظمان لاء کالج، عظمان آفیسرز کالج، اور عظمان سائنس اکیڈمی کے ڈائریکٹر ہیں۔ آپ پچھلے پچیس سالوں سے تدریس کے شعبے سے وابستہ ہیں اور انگلش گرامر، زبان دانی اور لسانیات میں مہارت رکھتے ہیں۔ ان کے ادارے طلباء کی تعلیم و تربیت کے اہم مراکز بن چکے ہیں، جہاں نہ صرف تعلیمی علم بلکہ عملی زندگی کے تجربات بھی منتقل کیے جاتے ہیں۔ ان کا ماننا ہے کہ تعلیم صرف سند حاصل کرنے کا ذریعہ نہیں بلکہ انسان کے کردار، اخلاق اور سوچ کو سنوارنے کا سب سے طاقتور ہتھیار ہے۔ وہ نوجوان نسل کی فکری تربیت کو اپنی اہم ذمہ داری سمجھتے ہیں تاکہ طلباء صرف کامیاب پیشہ ور ہی نہیں بلکہ ذمہ دار انسان بھی بنیں۔ خدمات محمد عظمان ہر ماہ اپنے طلباء کو بغیر کسی صلے یا مالی فائدے کے، خالصتاً انسانیت کی خدمت کے جذبے سے سرشار موٹیویشنل لیکچرز دیتے ہیں۔ ان کی گفتگو میں روحانی، اخلاقی اور عملی زندگی کے اصول شامل ہوتے ہیں، جو سننے والوں کے دلوں پر اثر انداز ہوتے ہیں اور انہیں زندگی میں مثبت تبدیلی لانے کی ترغیب دیتے ہیں۔ انہوں نے اپنی ذاتی محنت، ثابت قدمی اور تعلیمی لگن سے اپنے اداروں کی بنیاد رکھی اور اب وہ ان کے ذریعے طلباء کو جدید تقاضوں کے مطابق تیار کر رہے ہیں۔ ان کا خواب ہے کہ وہ نوجوانوں کو عالمی معیار کے مطابق علم و ہنر سے آراستہ کریں تاکہ وہ مستقبل کا بہتر پاکستان تشکیل دے سکیں۔

وجہء اشاعت

وجۂ اشاعت ہیومن لائبریری کا مقصد ایسے افراد کو سامنے لانا ہے جن کی زندگی دوسروں کے لیے مشعلِ راہ بن سکے۔ محمد عثمان کی زندگی کا سفر، خدمتِ خلق کا جذبہ، اور تعلیم و تربیت کے میدان میں ان کی انتھک محنت نوجوان نسل کے لیے ایک بہترین مثال ہے۔ انہیں "زندہ کتاب" کے طور پر پیش کرنا نئی نسل کو نہ صرف موٹیویشن فراہم کرنا تھا بلکہ خدمت، استقامت اور علم دوستی کے جذبے کو بھی فروغ دینا تھا۔

تعصب اور دقیا نوسیت

محمد عظمان ایڈووکیٹ کو ان کے شاگرد نہ صرف استاد بلکہ ایک رہنما، محسن اور حقیقی رول ماڈل کے طور پر یاد کرتے ہیں۔ان کی شخصیت میں سادگی، اخلاص اور خلوص جھلکتا ہے۔ وہ علم کو پھیلانے اور انسانوں کی خدمت کو اپنا مشن سمجھتے ہیں۔ ان کا مقصد صرف پڑھانا نہیں بلکہ ایک بہتر، بامقصد اور باوقار زندگی کے لیے رہنمائی فراہم کرنا ہے۔